Poslovne vesti - Makedonija

Туристички зони околу езерата

Покрај Охридското, Преспанското и Дојранското Езеро ќе се формираат поголеми локации од повеќе хектари на кои ќе се градат хотели и други рекреативни содржини поврзани со хотелиерството.

За реализација на овој проект се подготвува закон со кој ќе се формираат овие туристички зони.

- На овој проект се осврнавме на последната седница на Комитетот за туризам. Законот наскоро ќе биде готов. Локациите ќе бидат понудени како цели зони, а подоцна доколку не успее продажбата на цели зони ќе се оди парцијално за изградба на хотели - рече Груевски.

Владата за туристичките зони ќе дава специјални бенефиции за да се привлечат повеќе инвеститори да изградат хотели.

- Овие зони подоцна ќе ни носат повеќе гости, туризам, повеќе девизен прилив, повеќе вработувања и посилна економија. Министерството за транспорт и врски доби задача до крајот на јануари да излезе со Предлог-закон пред Владата, онака како што е зацртано во нашата предизборна програма. Проектот е сличен како технолошко-развојните индустриски зони каде што се привлекуваат инвеститори кои градат фабрики - потенцираше премиерот Груевски.